নিবন্ধ
খ-জল চেঁচা দলিচা পাৰি,
ঘণিত হৈ ৰূপোৱালী ।
শৰতৰ মাদকতা ঢালি দি,
পলকতে ছন্দ হেৰুৱালি !
মায়াবনৰ কাকলি
আজি তোলৈ বৰ মনত পৰিল ।
যদিও নাই আজৰি,
তথাপিও এদিন দেখা পাবি ।
মোৰ নিবন্ধতে জীৱন্ত হৈ
আছে তোৰ বাবে প্ৰতিটো শাৰী ।
আলফুলে সযতনে অতীতৰ সাঁচতীয়া চানেকী ।
দেউদী যাওঁ দেখা নাপাওঁ,
গ্ৰহণৰে দশা চলিছে !
একা বেকা বাটেৰে মোৰ
নিৰলস খোজ থমকে ।
তিৰবিৰণি নীহাৰিকা বোৰৰ
পাৰ নোপোৱা উপমা চোন !
কোনো ভাষা নাই বুজাবলে তোক,
ওলাবনে সময় চকু ফুৰাবৰ ?
মায়াবনৰ কাকলি
আজি তোলৈ বৰ মনত পৰিল ।
যদিও নাই আজৰি,
তথাপিও এদিন দেখা পাবি ।
মোৰ নিবন্ধতে জীৱন্ত হৈ
আছে তোৰ বাবে প্ৰতিটো শাৰী ।
আলফুলে সযতনে অতীতৰ সাঁচতীয়া চানেকী ।
Beautiful
Wonderful song